Belgjikë-Itali është një finale e parakohshme në Euro 2020. Çerekfinalja do të luhet nesër në mbrëmje (21:00) në “Allianz Arena” të Mynihut.
Dries Mertens i njeh lojtarët kundërshtarë, pasi luan te Napoli në Serie A prej vitit 2013. Golashënuesi më i mirë i historisë së klubit italian, flet rreth përballjes me kombëtaren e kaltër.
“Luaj në Itali prej vitesh dhe kjo do të jetë një ndeshje e veçantë për mua. Ata kanë luajtur një futboll të bukur, nuk kanë pësuar gola dhe kanë fituar shumë ndeshje.
Italia ka një miks midis lojtarëve të rinj dhe atyre me përvojë, po prodhojnë një futboll të shkëlqyer, i kanë impresionuar të gjithë në këtë kompeticion.
Pakkush e priste, por askush nuk ka luajtur më bukur se Italia në ndeshjet e grupit. Jorginho është i jashtëzakonshëm, por bën shumë te kombëtarja, por Italia ka kolektivin pikën e fortë.
E njëjta gjë vlen edhe për Insignen, të gjithë e kanë të qartë tashmë se si luan skuadra e Mancinit. Belgjika? Unë dua të fitoj Euro 2020, fitoret të bëjnë të lumtur.
Nuk besoj se ky është shansi ynë i fundit për të fituar diçka, Belgjika do të ketë mundësi edhe në të ardhmen, por ne duam të shkojmë deri në fund të këtij turneu“, deklaroi Mertens. /abcnews.al
