Zbardhet e ardhmja e Gabriel Barbosës. Sulmuesi në pronësi të Interit është huazuar në vendlindje te Flamengo. 23-vjeçari po zhvillon një kampionat shumë të mirë dhe deri tani ka shënuar 19 gola në kampionat e 5 në Kupën Libertadores.
Gazzetta dello Sport raporton se klubi brazilian ka arritur akordin me zikaltrit. Flamengo do të derdhë 18 milionë euro në arkat e Interit, që mban edhe 20% të kartonit në rast të një shitje në të ardhmen.
Së shpejti do të ndodhë zyrtarizimi i akordit, ndërsa pritet edhe akordi i sulmuesit me Flamengon. Gabigol dhe shokët e tij po përgatiten për të siguruar një vend në finalen e Libertadores. Përveçse kryeson kampionatin, Flamengo do të presë Gremion me datë 24 tetor (1-1 ndeshja e parë) për të tentuar kalimin në finalen e madhe. /abcnews.al
