Tjetër ndryshim pankinë në Serie A. Humbja e fundit ndaj Sassuolos ka qëlluar fatale për Leonardo Semplicin, trajnerin e Spal. Ekipi ku aktivizohet Etrit Berisha renditet në vend të fundit të kampionatit italian dhe po has vështirësi për të marrë rezultate.
Shtatë pikë larg është zona e shpëtimit dhe drejtuesit e klubit kanë menduar të shkundin skuadrën me këtë vendin. Semplici mbante rolin e trajnerit të Spal prej dhjetorit të vitit 2014 dhe të paktë janë trajnerët që kanë rezistuar aq shumë në pankinë, sidomos në futbollin italian.
“Spal njofton se ka shkarkuar nga roli i trajnerit Leonardo Semplicin. Klubi e falënderon trajnerin dhe stafin e tij për punën e bërë dhe rezultatet e arritura këto vite”, lexohet në deklaratën e klubit të Berishës. /abcnews.al
SPAL comunica di aver sollevato dall’incarico di responsabile della prima squadra biancazzurra mister Leonardo Semplici.
La società ringrazia mister Semplici e il suo staff per il lavoro svolto e i risultati ottenuti in questi anni. pic.twitter.com/uT5JGhiuYn— SPAL (@spalferrara) February 10, 2020
