Një automjet është përfshirë nga flakët paraditen e sotme në Tiranë. Ngjarja ka ndodhur në segmentin rrugor Sauk-rrethrrotullimi Tegut. Nga të dhënat e Policisë mësohet se mjeti me targë AA 542 SN, me drejtues F. P., ka marrë flakë gjatë lëvizjes dhe për pasojë është djegur plotësisht. Sipas Policisë dyshohet se shkak mund të jetë bërë ndonjë shkëndijë elektrike.
Informacion paraprak
Më datë 12.05.2018, rreth orës 10:10, në segmentin rrugor Sauk-rrethrrotullimi Tegut, mjeti me targë AA 542 SN, me drejtues shtetasi F. P., ka marrë flakë gjatë lëvizjes, ku për pasojë mjeti është djegur plotësisht.
Grupi hetimor në vendngjarje po punon për sqarimin e plotë të shkaqeve të rënies së zjarrit. /abcnews.al
