Kancelarja gjermane Merkel u shpreh se është gati të porosisë në mënyrë të pavarur vaksinën ruse Sputnik V, dhe nuk do të presë miratimin e Agjencisë Europiane për Barnat. Ajo shtoi se Gjermania, tashmë e përfshirë nga vala e tretë e pandemisë, duhet të mësohet me idenë e rikthimit në mbyllje të vendit
“Prej kohësh mendoj se duhet të shfrytëzojmë çdo vaksinë të miratuar nga Agjencia Europiane e Barnave.
Dhe është e qartë që do të preferoja një vendim europian. Por nëse një vendim i tillë nuk vjen, do të ndjekim mënyrën gjermane: mund ta bëjmë dhe do e bëjmë”.
Për sa i përket vaksinave pas situatës së krijuar nga pezullimi i përkohshëm i AstraZeneca, Berlini është në një tjetër ngatërresë. Vendi që më shumë këmbënguli për negociata europiane për vaksinat dhe që ka shpalosur gjithnjë flamurin europian për të ndaluar arratisjen e vendeve të veçanta, tashmë thotë se është gati të luajë kartën ruse: dhe e vetme nëse do të duhet.
Në ditët kur ka rinisur sërish vaksinimi me AstraZeneca, Merkel deklaroi se gjermano amerikania Biontech – Pfizer ka garantuar 580 mijë doza më shumë për Gjermaninë. Por problemi, përveç vonesave në furnizim, është skepticizmi i gjermanëve ndaj vaksinës AstraZeneca.
Në çdo rast qeveria gjermane ka ndërmend të shtojë ritmin: një javë më parë u vaksinuan 1.8 milion persona ndërsa pas Pashkëve numri pritet të shkojë në 3.3 milion
Përballë një fushate vaksinimi ende të ngadaltë, as 9% e gjermanëve ka marrë dozën e parë dhe 3.5 për qind dhe dozën e dytë. Merkel këmbëngul se deri në fund të verës çdo gjerman do të ketë një takim për vaksinim./abcnews.al
