Atletico Madrid është shumë afër fitimit të titullit kampion. Ekipi i Diego Simeones është dy fitore larg triumfit në La Liga, sukses që mungon prej vitit 2014.
Drejtuesit e “Colchoneros” po merren me merkaton dhe po përgatisin dhuratën e parë për trajnerin argjentinas. I preferuari i Simeones është Naby Keita.
Liverpool shpenzoi 60 milion euro për të siguruar shërbimet e mesfushorit afrikan në vitin 2018. Aventura në “Anfield” nuk ka qenë pozitive deri tani.
26-vjeçari nuk ia ka dalë të kthehet në një titullar fiks në skuadrën e Jurgen Klopp dhe sezonin e ardhshëm mund ta shohim në “Wanda Metropolitana”.
Nëse Atletico fiton titullin kampion në Spanjë, menjëherë do të nisë ofensiva për lojtarin e Liverpool, i cili do e pranonte me kënaqësi transferimin në Madrid. /abcnews.al
