Federata Shqiptare e Futbollit ka njoftuar se Departamenti i njohur, Wyscout, do të vijë në Shqipëri, për të ndjekur nga afër talentet e Superiores, por dhe disa nga Kategoria e Parë. FSHF do t’i ofrojë falas dy llogari në Wyscout, si dhe do të paguajë kurset për video-analistët për Kategorinë Superiore dhe të interesuarit e Kategorisë së Parë. Në njoftimin e saj, FSHF shkroi:
“Departamenti i Analizës, Skautizimit dhe Inovacionit në FSHF ka blerë platformën Wyscout për 4 vite, platformë e cila i është ofruar klubeve të Kategorisë Superiore. Kjo platformë i jep mundësi klubeve të sigurojnë të dhëna statistikore mbi ndeshjet që ato kanë zhvilluar, ndeshjet e radhës që do të duhet të përgatisin, të monitorojnë dhe marrin informacion për lojtarë në 124 shtete të botës dhe 400 kampionate. Në të njëjtën kohë FSHF do ti ofrojë falas, ashtu si aksesi në dy llogari Wyscout, kurse për video-analistë klubeve të Kategorisë Superiore dhe klubeve të interesuara nga Kategoria e Parë.
Më poshtë keni dhe komunikatën e Wyscout në lidhje me bashkëpunimin që ka filluar me FSHF për rritjen e lëvizjes futbollistike në Shqipëri:
“Wyscout, kompania lider në kërkimet për klube profesionale dhe ekipet kombëtare, është e kënaqur të hap bashkëpunimin e saj me Federatën Shqiptare të Futbollit dhe Departamentin e Analizës, Skautimit dhe Inovacionit me një projekt afatgjatë të përqendruar në zhvillimin e proceseve të rekrutimit dhe në analizën e performancës, duke përfshirë të gjitha klubet Kategoria Superiore dhe të gjitha ekipet kombëtare.
Falë përvojës së gjatë përkrah skuadrave më të mëdha si PSG, Manchester United, Juventus, Bayern Munchen dhe ekipeve kombëtare, Wyscout garanton mbështetjen e saj për zhvillimin e futbollit shqiptar, përmes ofrimit të teknologjisë më të mirë për analiza video dhe identifikimin e talenteve, lehtësimin e punës së përditshme të profesionistëve.
Për një përdorim të duhur të teknologjisë, trajnimi do të jetë një nga shtyllat e projektit, i cili përfshin punëtori të kryera nga Wyscout që do të ofrojnë aftësi dhe mbështetje të nevojshme nga skautët dhe analistët shqiptarë.
“Ne duam të mbështesim zhvillimin e futbollit global, duke ndihmuar klubet sportive të gjitha niveleve të marrin vendime kuptimplote dhe të informuara përmes përdorimit të kombinuar të videos dhe të dhënave. Me këtë marrëveshje, klubet shqiptare më në fund do të kenë qasje në mjetet që u duhen për të evoluuar dhe për të arritur një avantazh konkurrues. ”- tha Sam Lloyd, zëvendës presidenti i “Elite Sports e Hudl”./acbnews.al
