Italia nuk zhgënjeu askënd mbrëmjen e kaluar. Skuadra e Roberto Mancinit fitoi 3-0 takimin hapës të Euro 2020 ndaj Turqisë, dhe një gjë të tillë e bëri falë një futbolli shumë të bukur. Situata ka ndryshuar dhe të kaltrit po shfaqen prej kohësh si një ekip ofensiv.
Tifozëve u është rikthyer entuziazmi, teksa Italia e re i ka pëlqyer edhe Bastian Schweinsteiger, ish-kapitenit të Gjermanisë, i cili analizon suksesin e Azzurrëve në prononcimin e dhënë për ARD.
“Italia luajti shumë mirë, nuk shfaqi asnjë pikë të dobët. Mbrojtja super me Chiellinin dhe Bonuccin. Jorginho zhvilloi një ndeshje të shkëlqyer në mesfushë, ndërsa Barella ishte i jashtëzakonshëm, më kujton Joshua Kimmich.
Sulmi? Italianët mbeten gjithmonë të rrezikshëm përpara. Ekipi nuk u ndal për asnjë moment, nuk u kthye në mbrojtje pas golit të parë, ata vazhduan të kërkonin golin tjetër. Kjo është shenjë cilësie dhe e një mentaliteti të ri“, deklaroi Bastian Schweinsteiger. /abcnews.al
