Një vajzë përshkruar në Twitter ndjesinë që përjetoi kur ishte në koma. Kayley Frances ndau përvojën e saj pasi një përdorues në TikTok ndau përvojën e tij. Sipas pretendimit të tiktokerit që kaloi dy muaj në koma, ndjenja e tij e kohës ishte e vërtetë por i dukej se kishte kaluar miliona vjet në koma.
Kayley shpjegoi se si kaloi 10 ditë në koma në janar 2021 pas një sulmi të rëndë astme që u shndërrua në pneumoni. Kayley konfirmoi përvojën e ndarë në videon virale të TikTok, duke zbuluar se ndjenja është identike me të qenit zgjuar. ”Isha në koma dhe mendova se isha gjallë dhe thjesht po jetoja jetën time.
As që e dija se isha në koma. Mendoj se ndryshon nga personi në person”, shkroi ajo dhe përdoruesit e Twitter-it e bombarduan me pyetje. “Kur u zgjova, mendova se isha në një aksident automobilistik. Kisha halucinacione. Nuk ishte aspak qesharake”, zbuloi ajo.
Kayley shkroi se gjëja më e vështirë për të ishte zgjimi nga koma. Ajo kujtoi se si kishte frikë dhe “dëshironte të vraponte” kur u zgjua, por nuk kishte forcë për të ecur. “M’u deshën dy javë për të ecur ngadalë. Nuk mund të ushqehesha as veten, infermieret duhet të më ushqenin javën e parë. Ishte e tmerrshme.”, tha ajo. /abcnews.al
