Menaxherja e Spitalit Veterinar, Ornela Mebelli, ka dhënë ditën e sotme disa këshilla për kafshët shtëpiake.
E ftuar në ABC e Mëngjesit, ajo ka rekomanduar që mes qenit dhe maces, është më mirë që familjarët të zgjedhin këto të fundit.
“Qenushët janë pak më të rrezikuar se kanë kontakt më shumë me mjedisin e jashtëm, pasi macet janë më të mbyllura. Ajo që do rekomandoja është se të mundohen të mos i nxjerrin qentë pa mabrauar ciklin e vaksinave. Qenushat përveç hapësirës kërkojnë shëtitje, duan kohë. Prandaj rekomandoj macet”, tha Mebelli.
Më tej, ajo u shpreh se të gjithë duhet t’i vaksinojnë kafshët pasi rrezikojnë edhe jetën e njëriut.
“Nuk kanë ndonjë kosto të madhe makinat. Kostot maksimale për vaksinat shkojnë deri në 10 mijë lekë të reja. Ka shumë që refuzojnë t’i bëjnë vaksinat. Nuk e kuptojnë që përveç jetës së vetë rrezikojnë edhe jetën e vetë njeriut”, përfundoi menaxherja./abcnews.al
