Prokuroria e Tiranës dhe Shërbimi për Çështjet e Brendshme dhe Ankesat nënshkruan sot një memorandum bashkëpunimi, me qëllim rritjen e cilësisë së hetimit si dhe për të parandaluar e dokumentuar veprat penale. Përmes kësaj marrëveshje Prokuroria dhe SHÇBA angazhohen të bashkëpunojnë në kryerjen e hetimeve të përbashkëta apo shkëmbimit të informacionit.
Marrëveshja u nënshkrua nga drejtuesja e prokurorisë së Tiranës Elisabeta Imeraj dhe drejtori i përgjithshëm i SHÇBA-së, Muhamet Rrumbullaku.
Pikat kryesore të marrëveshjes janë:
Hetimet për implikime të subjekteve të SHÇBA-së në rastet e kultivimit, trafikimit të lendeve narkotike si dhe mbikëqyrja dhe monitorimi i policisë në respektimin e ligjit në fuqi para, gjatë dhe pas fushatës zgjedhore Qershor 2019./ABC News Albania 24/7
