Trajneri i Tiranës, Ardian Mema, foli për mediat para ndeshjes kundër Kukësit në konferencën e zakonshme për shtyp, ku u shpreh:
RIVALI – “Kukësi është ekip shumë i fortë, ka elementë mjaft cilësorë brenda vetes, duhet menaxhuar shumë mirë kjo ndeshje. Duhet të përgatisim mirë ndeshjen dhe shpresojmë që të bëjmë më të mirën nesër dhe të marrim një rezultat pozitiv”.
RËNDËSIA – “Kjo është më e rëndësishme. Nëse do fitosh është shumë test i mirë. Për të fituar, duhet të punojmë goxha mirë gjatë lojës. Nuk duhet të jetë test shansi, por test pune, për të matur forcat tona në raport me kundërshtarin.
GRUPI – “Torasa është pjesë e grupit nesër. Nuk do ta fillojë nga minuta e parë, por do të jetë pjesë e grupit. Ndryshe nga viti i kaluar, Kukësi ka kontingjent të ri lojtarësh, por i kanë ikur lojtarë të rëndësishëm si Shameti dhe Rama”.
LOJTARËT – Diçka fola me futbollistët pas ndeshjes me Skënderbeun. Euforia na bën dëm, entuziazmi është goxha i mirë. Pashë shumë lojtar nëpër media, nuk është se ka ndonjë gjë. Opinioni sportadësh po flet para kohe. Akoma nuk është bërë gjysma e fazës së parë. Duhet të jemi me këmbë në tokë. Ne na duhet ti shikojmë ndeshjet hap pas hapi. Duhet të jemi të thjeshtë në lojë dhe në qëndrimet pas ndeshjes. Nuk më intereson se çfarë mendojnë mediat apo sportdashësit, kjo ka qenë më e rëndësishmja.
BARAZIMI – “Kjo është një ndeshje futbolli. Ka të mirat dhe të këqijat e veta. Mund të luash shumë mirë dhe t’a humbasësh. Duhet të bëjmë maksimumin për të mos humbur. Të shikojmë dhe të masim forcat nesër me kundërshtarët”.
DERBI – “Partizani ka pasur një ecuri jo të mirë këto ndeshje. Elementët brenda ekipit i ka. Çdo gjë varet nga periudha, lojtarët, trajneri i ri. Shpresojmë fillimisht të kalojmë Kukësin dhe pastaj të shohim për Partizanin. Tifozët e Tiranës mezi e presin atë ndeshje për ta fituar”.
