Kryeministrja e Georgia Meloni i ka bërë thirrje BE-së të përshpejtojë anëtarësimin e Ukrainës, si një shpërblim për kontributin e Kievit në sigurinë europiane duke i rezistuar agresionit rus.
Ukraina “është një post për sigurinë e kontinentit europian”, tha Meloni me kryeministrin ukrainas Denis Smykhal në krah të saj në një konferencë të përbashkët shtypi në Romë për t’u përgatitur për rindërtimin e vendit.
“Mënyra më e zgjuar për të falënderuar ukrainasit për atë që po bëjnë është të përshpejtohet aftësia e tyre për t’u bërë pjesë e institucioneve europiane,” shtoi Meloni.
Ukraina, e cila fitoi statusin e kandidatit në BE së bashku me Moldavinë qershorin e kaluar, po i shtyn partnerët e saj europianë që ta pranojnë atë së shpejti, një proces që zakonisht kërkon vite, por Brukseli deri më tani ka shmangur me kujdes miratimin e synimeve ambicioze të Kievit.
Kur Volodymyr Zelensky vizitoi Brukselin në shkurt, presidentja e Komisionit Ursula von der Leyen vlerësoi Ukrainën për përparimin që ka bërë drejt anëtarësimit në BE.
/abcnews.al
