Bylisi ka humbur dy ndeshjet e fundit, ndaj Skënderbeut dhe Kukësit, ndërkohë që e pret një përballje e vështirë me Partizanin. Ballshiotët i presin të kuqtë në stadiumin “Adush Muçaj” dhe trajneri Veljko Dovedan duhet t’i bëjë llogaritë pa mesfushorin Donald Mëllugja.
Futbollisti 24-vjeçar plotësoi numrin e kartonëve të verdhë dhe këtë javë do të mund ta shohë skuadrën e tij nga tribuna. Duke parë kalendarin, që u rezervon ballshiotëve Flamurtarin si kundërshtar pas Partizanit, mund të bëhen llogari për kartonët e verdhë.
Janë plot 6 futbollistë që rrezikojnë dhe për ndonjërin do të ishte më mirë të mungonte në transfertën me vlonjatët. Me tre kartonë të verdhë janë Isli Hidi, Jurgen Goxha, Andi Hadroj, Stivian Janku, Edison Ndreca dhe Eridion Qardaku. /abcnews.al
