Qeveria e Meksikës njoftoi të mërkurën se do të rrisë pagën minimale me 12% që nga viti i ardhshëm, në një përpjekje për të luftuar varfërinë dhe për të mbështetur punonjësit përpara rritjes së kostove të jetesës.
Presidentja e re e majtë, Claudia Sheinbaum, premtoi se kjo rritje nuk do të shkaktojë inflacion, por do të promovojë një ekonomi “humaniste.”
Njoftimi për rritjen e pagës u bë nga Ministri i Punës, Marath Bolanos, në konferencën e përditshme të shtypit të Presidentes Sheinbaum.
Paga minimale në ekonominë e dytë më të madhe të Amerikës Latine aktualisht është pothuajse 249 peso (12.23 dollarë) në ditë. Kjo rritje ka për qëllim përmirësimin e fuqisë blerëse të punonjësve meksikanë, veçanërisht atyre në sektorët që janë goditur rëndë nga inflacioni. Rritja pritet të përfitojë miliona punonjës dhe shihet si një hap i rëndësishëm për adresimin e varfërisë dhe pabarazisë në vend. / abcnews.al
