Meghan Markle dhe Princi Harry ishin në Mbretërinë e Bashkuar duke u përgatitur për Çmimet WellChild kur Mbretëresha Elizabeth vdiq më 8 shtator. Dukesha u kthye në Shtetet e Bashkuara për të qenë me familjen e saj dhe në një intervistë të re për Variety, ajo tregoi se si familja po përballet me humbjen e monarkes.
“Në momentet e mëdha të jetës ka perspektivë. Këto momente ju bëjnë të pyesni veten se në çfarë doni të përqendroni energjinë tuaj. Tani për tani, ne ndihemi të emocionuar për të gjitha gjërat që krijojmë. Ne gjithashtu fokusohemi në faktin se shumica e punës që bëjmë është filantropike”, tha Megan.
Më tej, Meghan Markle ndau gjithashtu krenarinë e saj që ishte në gjendje të “mbështeste” Harry -n gjatë kësaj kohe të vështirë për të.
Në fakt, në një shërbim në Westminster Hall, çifti u pa të kapur për dore dhe Harry duke u përkulur teksa i jepte lamtumirën gjyshes. Ajo gjithashtu zbuloi se Harry kishte thënë: “Ajo tani është ribashkuar me bashkëshortin e saj”.
Burri i mbretëreshës, Princi Philip, vdiq në vitin 2021 dhe mbretëresha Elizabeth u ribashkua me të kur u varrosën së bashku në memorialin e Mbretit George VI. “Sigurisht, përsa i përket lidershipit femëror, ajo është shembulli më i ndritshëm. Ndihem thellësisht mirënjohëse që kam mundur të kaloj kohë me të dhe ta njoh ”, tha Meghan Markle./abcnews.al
