Jo vetëm politika në Serbi, por dhe mediat kanë reaguar ashpër ndaj fjalimit që presidenti i Kosovës Hashim Thaçi mbajti mbrëmjen e së hënës në Këshillin e Sigurisë të Kombeve të Bashkuara.
Fjalimi i presidentit të Kosovës, Hashim Thaçi, në mbledhjen e Këshillit të Sigurisë së Kombeve të Bashkuara ka ngjallur reagime të shumta në Serbi. Përveç përkrahjes që mori Kosova nga shtete të shumta anëtare për krijimin e ushtrisë, përmendja e masakrave dhe genocidi që kryen forcat para ushtarake serbe si dhe përmendja e sportistëve kosovar, bënë që në Serbi të ketë reagime jo vetëm politike por dhe mediatike.
Mediat në Serbi akuzojnë presidentin Thaçin se ka lexuar të njëjtin fjalim me Vlora Çitakun, ambasadore e Kosovës në OKB. Më tej mediat serbe i cilësojnë gënjeshtra shifrat e të vrarëve nga ushtarët serbë në Kosovë. Ato shkruajnë se Vlora Çitaku ose i ka shkruar fjalimin presidentit Thaçit ose presidenti i Kosovës ka lexuar të njëjtin fjalim që Çitaku kishte lexuar më 14 tetor në OKB. Në mbledhjen Këshillit të Sigurisë në OKB, Thaçi përmendi disa nga krimet që Serbia ka kryer në Kosovë. Ndër të tjera ai tha se asnjë serb nuk është dënuar për krimet që ka kryer në Kosovë./abcnews.al
