Prokurori Jack Smith është në bisedime me drejtuesit e lartë në Departamentin e Drejtësisë për të vlerësuar mënyrat sesi ai mund të përfundojë ndjekjet penale ndaj Presidentit të zgjedhur Donald Trump, kanë thënë burime të njohura për ABC News
Vendimi bazohet në politikën e kahershme të Departamentit të Drejtësisë, sipas së cilës një president në detyrë nuk mund të përballet me ndjekje penale gjatë kohës që është në zyrë, thanë burimet.
“Ende nuk është e qartë se si do të qasen prokurorët e Smith për të pushuar çështjen e manipulimit të zgjedhjeve federale në Washington, D.C., dhe apelimin e tyre të vazhdueshëm kundër vendimit të gjyqtares Aileen Cannon për të hedhur poshtë çështjen e dokumenteve të klasifikuara”, raporton ABC News.
Gjatë fushatës, Trump pati deklaruar se do të shkarkonte Këshilltarin Special të Departamentit të Drejtësisë (DOJ), Jack Smith, menjëherë nëse ai zgjidhej për një mandat të dytë në Shtëpinë e Bardhë.
SakaqJack Smith më parë ishte kryeprokuror i Gjykatës Speciale, ku po gjykohet ish-krerët e UÇK-së dhe pastaj mori detyrën e hetimit ndaj Donald Trump për një mori akuzash.
