Ngjarja ka ndodhur në lagjen nr 1 , në rrugën e “Bilbilave” në qytetin e Korçës. Ndërkohë 10 milion është shuma që dyshohet se autorët ka vjedhur.
Detaje të reja janë zbuluar nga grabitja 10 milionë lekëve të kambistit Shefqet Muço mëngjesin e kësaj të hëne në Korçë.
Burime për abcnews.al bëjnë me dije se në deklaratën e tij në polici, kambisti është shprehur se ai është përleshur me tre grabitësit e maskuar.
Ndër të tjera ai thekson se grabitësit i kanë kërkuar paratë por ai nuk ka pranuar që të dorëzohet.
LEXO EDHE: Grabitje me armë në Korçë, policia: Një i arrestuar dhe dy të tjerë në kërkim
“Më vrisni unë lekët nuk ua jap”, ka thënë kambisti.
Kambisti ka bërë rezistencë ndaj grabitësve të maskuar dhe me armë. Ndër të tjera mësohet se në vendin e ngjarjes ka qenë bashkëshortja e tij dhe fqinjët të cilët kanë bërë të mundur dhe ndalimin e një prej autorëve.
Gazetarja e ABC, Ledjona Xheladinaj, ka qenë në familjen e kambistit të grabitur të cilët kanë pohuar se është hera e katër që ndodh një gjë e tillë dhe policia nuk i ka identifikuar asnjëherë deri më tani autorët.
Jashtë kameras fëmijët e kambistit kanë thënë se janë autorët kanë zbritur nga kodra dhe janë futur në rrugicat e banesës, ndërsa vajzat kanë thënë se janë zgjuar të tmerruara nga gjumi nga ulërimat e nënës së tyre.
“U zgjuam nga gjumi të tmerruara pasi dëgjuam ulërimat e mamit. Kur dolëm shohim babin që po e godisnin 3 persona. Ishin të maskuar me armë dhe me leva. Ata shanin dhe ofendonin. Babi ishte i gjakosur nga fytyra dhe u godit me leve në shpatull. Edhe mamin e goditën vëllain dhe mua”, ka thënë vajza 14 vjeçare e familjes.
Ndërkaq për shkak të plagëve të marra kambisti se bashku me djalin e tij ndodhen në spital pas plagëve të marra nga grabitësit.
Ndërkohë deri më tani nuk ka asnjë informacion në lidhje me identitetin e dy autorëve të arratisur, ndërsa policia e ndodhur në vendin e ngjarjes ka marrë gjurmët e gjakut në vendin e ngjarjes si pasojë e përleshjes.
Ngjarja ka ndodhur mëngjesin e sotëm në në lagjen nr 1 , në rrugën e “Bilbilave” në qytetin e Korçës, para banesës së kambistit Shefqet Muço./abcnews.al
