Douglas Costa është tallur me ish-bashkëlojtarin e tij te Juventusi, Juan Cuadrado për vendimin e tij për t’iu bashkuar Interit në një transferim të lirë këtë verë.
Kolumbiani i është bashkuar zikaltërve në një marrëveshje njëvjeçare pas një qëndrimi tetë-vjeçar në Torino, gjatë së cilës ai shpesh luante rolin kryesor në përplasjet mes dy palëve.
Cuadrado dhe Costa kaluan tre vjet së bashku në Allianz Stadium midis 2017 dhe 2020, përpara se ky i fundit të largohej në një sërë marrëveshjesh huazimi me Bayern Munich, Gremio dhe LA Galaxy.
Në një transmetim të drejtpërdrejtë në TikTok, Costa u pyet nga një prej ndjekësve të tij nëse e kishte parë lajmin se Cuadrado ishte bashkuar me Interin.
“Po, e pashë. Më vjen keq për të”, u përgjigj sulmuesi anësor brazilian./h.ll/abcnews.al
