Interi ia doli të mposhtë 2-1 Milanin në mesjavë, sukses që solli kualifikimin e ekipit të Contes në gjysmëfinalet e Kupës së Italisë, aty ku do të përballet me Juventusin.
Sfida e radhës është përballë Beneventos në kampionat. Interi pret ekipin e Pippo Inzaghit në “San Siro” (e shtunë, 20:45). Ivan Perisic ka dhënë një prononcim ndryshe për fcinternews përpara kësaj ndeshje.
“Në karrierën time jam përballur me shumë mbrojtës të fortë. Zgjedh Sergio Ramos si më të fortin dhe atë që më ka bërë më shumë përshtypje.
Unë jam një tip që i pëlqen të dëgjojë muzikë në kohën e lirë, më pëlqejnë rryma të ndryshme. Pesëshja perfekte e Interit? Në portë zgjedh Julio Cesar. Braziliani shkroi historinë këtu.
Më pas Samuel, një nga ata lojtarë të nevojshëm për të fituar. Më pas vjen Samuel Eto’o për sakrificën dhe talentin, ishte një futbollist i klasit të lartë.
Zgjedhe edhe Stankovic, i cili ishte një lojtar i kompletuar dhe shënonte gola të jashtëzakonshëm. Në fund Ronaldo fenomeni, një nga më të fortë e historisë së futbollit“, përfundoi kroati. /abcnews.al
