Nga data 12 deri më datë 19 nëntor, në Torino të Italisë do të mbahet turneu i përvitshëm i tenisit, Nitto ATP Finals. Një turne në të cilin marrin pjesë tenistët e renditur në tetëshen e parë të botës. Dy të fundit që siguruan pikët e mjaftueshme për të “prerë” një biletë për në turneun e Torinos ishin Sascha Zverev dhe Holger Rune.
Dyshja ishte pjesë e turneut ATP Masters 1000 të Parisit, teksa edhe pse nuk mundën t’i shkonin deri në fund, sërish morën pikët e duhura për turneun e Torinos. Kështu, Zverev dhe Rune do t’i bashkohen gjashtë emrave të tjerë që ishin të kualifikuar dhe bëhet fjalë për emra si Novak Djokovic, Carlos Alcaraz, Daniil Medvedev, Jannik Sinner, Andrey Rublev dhe Stefanos Tsitsipas.
Kështu, tetëshja është gati për spektaklin që nis javën e ardhshme teksa lista e emrave garanton një garë mjaft të fortë. Kujtojmë se fituesi në fuqi i këtij turneu është Novak Djokovic, ndërsa Carlos Alcaraz shihet si rivali kryesor me spanjollin që do të tentojë ashtu si në Wimbledon ta mposhtë sërish serbin.
Lista me tetë tenistët pjesëmarrës:
