Ky sezon nuk ka qenë aspak i mirë për Juan Jesus. Qendërmbrojtësi brazilian ka zbritur vetëm 4 herë në fushën e blertë me Romën dhe e ardhmja është larg kryeqytetit italian. Verdhekuqtë po tentojnë t’i gjejnë një skuadër të re dhe ne atë rrugë po e shtyjnë edhe tifozët.
29-vjeçari përfiton një rrogë prej 2.2 milion eurosh në sezon dhe komentet e tifozëve nuk i kanë pëlqyer. “Largohu nga Roma, të paktën të kursejmë rrogën tënde“, i ka shkruar njëri prej tyre në rrjetet sociale dhe e menjëhershme ka qenë përgjigja e lojtarit.
“Mendon se me katër paratë që fitoj unë mund të rregullohet bilanci i klubit? Nuk ke marrë pjesë në leksionet e matematikës në shkollë? Ardhja ime te Roma nuk ishte çështje parash“, shkruan Juan Jesus. Në merkaton e janarit ishte afër kalimit te Fiorentina, por lojtari vendosi në fund të qëndronte te Roma, me të cilët ka edhe një vit kontratë. /abcnews.al
