Kërkimet për nëndetësen Titan në thellësi të Atlantikut, në vendin e Titanikut vazhdojnë pa pushim. Ankthi vijon të shtohet për jetën e atyre që janë në bord me kalimin e kohës, me më pak se 30 orë të mbetura derisa nëndetëses t’i mbarojë oksigjeni.
Nëndetësja, e cila është në pronësi të OceanGate Expeditions, filloi zhytjen e saj të dielën përpara se të humbiste kontaktet dy orë më vonë, thanë autoritetet. Skenarët për atë që ka ndodhur ndryshojnë dhe ekspertët spekulojnë. Megjithatë, me kalimin e kohës dhe kërkimet mbeten të pafrytshme, shpresa për t’i gjetur ata të gjallë zvogëlohet. Nga ana e tij, Dr. David Gallo, një oqeanografik amerikan, i cili konsiderohet në mbarë botën si një autoritet për eksplorimin nënujor dhe mik i ngushtë i Paul-Henri Narzolet, operatori i Titanit, tha se “ka shumë të ngjarë që të jetë copëtuar nga brenda, që të ndodhte një shpërthim, i cili do të ishte katastrofik”.
The US Coast Guard says “to date” search efforts to find the missing Titan vessel “have not yielded any results”
In an update, Captain Jamie Frederick, of the First Coast Guard District, described the “complex” search.
Latest: https://t.co/KOVjVYf7GV pic.twitter.com/QbSDWToOFh
— Sky News (@SkyNews) June 21, 2023
Siç vëren Dr. Gallo, meqenëse komunikimi i Titanit me anijen mbështetëse humbi 1 orë e 45 minuta pasi u zhyt drejt rrënojave të Titanikut në një thellësi prej rreth 3800 metrash, “Ka të ngjarë që diçka e papritur të ketë ndodhur në mes të zhytjes së Titanit, pasi do të duhej rreth 2 orë për të arritur mbetjet e Titanikut. Kështu ndodhi diçka që bëri që Titani të humbte komunikimin apo edhe fuqinë përpara se të arrinte në rrënoja. Edhe nga diçka e tillë, pra një ndërhyrje, në thellësi kaq të mëdha, nuk ka kthim”, shtoi shkencëtari. Siç tha ai, është e shkatërruar, por si shkencëtar duhet të nxjerrë në pah interpretimin më të mundshëm të të dhënave të deritanishme.
“Fatkeqësisht, shkatërrimi i Titanit nga një lloj dështimi material mund të jetë vetëm skenari nr.1 tani, po aq i pakëndshëm sa të mendosh. Personalisht, nuk di ndonjë mënyrë tjetër në të cilën nëndetësja mund të ishte zhdukur kaq shpejt”./abcnews.al
