Kryeministri Edi Rama ka zbuluar mesazhin që ka marrë nga kryeministri i Kosovës, Albin Kurti. Nga Rrogozhina ku po zhvillon një takim me fermerët e zonës, Rama tha se kryeministri i Kosovë si kishte kërkuar që ta ndihmonte me vaksinimin e mësuesve në Kosovë.
Rama tha se i kishte thënë menjëherë po dhe se do të ndihmonin në procesin e vaksinimit të arsimtarëve të Kosovës.
Lexo edhe: Rama kritikon Bashën nga Rrogozhina për grumbullimet: E turpshme, një rrumpallë kriminale
“Ne jemi shumë krenar që po ndihmojmë edhe Kosovën. Më çoi një mesazh Albin Kurti duke më falenderuar që meqë ata morën vaksina dhe do vaksinojnë mjekët sot dëshironte që ne të ndihmonin për mësuesit. Po i thashë patjetër. Ne do i japim ato që duhen që të vaksinohen mësuesit e Kosovës, sigurisht. Si bëhen këto me llafe? Duke fjetur gjumë? Ndërkohe që ne jemi në mes të kësaj finaleje dhe e shikojmë dritën e atje,” tha Rama. g.v/abcnews.al
