Me kanabis në çantën e krahut, arrestohet 28-vjeçari me dy mbiemra

schedule09:05 - 10 Qershor, 2021

schedule 09:05 - 10 Qershor, 2021

Një 28-vjeçar me iniciale G. B. (T) është arrestuar nga policia pasi iu gjetën 11 doza me kanabis. Ai nuk i është bindur policisë për të ndaluar duke i kundërshtuar ata. Gjatë kontrollit fizik në çantën e krahut blutë kanë gjetur lëndën narkotike duke bërë të mundur sekuestrimin e saj.

Materialet procedurale për veprime të mëtejshme i kaluan Prokurorisë pranë Gjykatës së Shkallës së Parë Fier, për veprat penale “Prodhimi dhe shitja e narkotikëve”, “Nxitja për përdorimin e drogës” dhe “Mosbindja ndaj urdhrit të punonjësit të policisë së rendit publik”.

“Vijon puna për parandalimin, evidentimin dhe goditjen e veprimtarisë kriminale në fushën e narkotikëve.  Goditet një tjetër rast i veprimtarisë kriminale në fushën e shpërndarjes së lëndëve narkotike në doza. Sekuestrohen 11 doza me kanabis, vihet në pranga poseduesi dhe shpërndarësi i lëndës narkotike, i cili kundërshtoi punonjësit e Policisë gjatë ndalimit.

Specialistët për Hetimin e Narkotikëve në DVP Fier, në bashkëpunim me forcën e posaçme “Shqiponjat”, në vijim të goditjeve kundër aktivitetit kriminal në fushën e prodhimit dhe shpërndarjes së lëndëve narkotike, arrestuan në flagrancë shtetasin G. B. (T)., 28 vjeç, banues në Fier.

Në vendin e quajtur “Ish-globi”, gjatë kontrollit të ushtruar në automjetin tip “Benz” me të cilin udhëtonte, ky shtetas nuk i është bindur urdhrit të Policisë për kontroll, duke i kundërshtuar ata. Gjatë kontrollit fizik, në çantën e tij të krahut u gjetën dhe u sekuestruan 11 doza me lëndë narkotike të dyshuar cannabis sativa.  

Materialet procedurale për veprime të mëtejshme i kaluan Prokurorisë pranë Gjykatës së Shkallës së Parë Fier, për veprat penale “Prodhimi dhe shitja e narkotikëve”, “Nxitja për përdorimin e drogës” dhe “Mosbindja ndaj urdhrit të punonjësit të policisë së rendit publik”, njofton policia. m.v/abcnews.al