Një skaf me flamur grek u mbyt në rrethana të paqarta në zonën detare mes Pireut dhe Aeginës me 8 persona në bord.
Mediat vendase shkruajnë se kanë qenë rojet bregdetare që e kanë parë mjetin që të fundosej dhe menjëherë janë drejtuar për në vendin e ngjarjes.
Bashkë me rojet janë nisur drejt skafit edhe tre anije të tjera në kordinim me EKSED.
Ndër të tjera thuhet se 8 pasagjerët janë marrë nga roja bregdetare dhe po transportohen në Marina Zeas, ndërsa nga informacionet e para bëhet e ditur se janë në gjendje të mirë shëndetësore./abcnews.al
