Koreja e Veriut ka mohuar lajmet që pretendojnë se vendi komunist po furnizon Rusinë me armë.
Autoritetet vendase thonë se raportet e inteligjencës amerikane për transferimin e armëve në Rusi janë tentativë e SHBA-ve për të njollosur imazhin e Koresë së Veriut.
Një zyrtar anonim nga Ministria e Mbrojtjes së Koresë së Veriut i bëri thirrje SHBA-ve që të ndalojnë së bëri “vërejtje të pamatura” dhe “të mbajnë gojën mbyllur”, sipas raportimeve të medieve shtetërore koreane, të publikuara sot.
Zyrtarët e administratës Biden në fillim të këtij muaji konfirmuan një vlerësim të deklasifikuar të inteligjencës amerikane sipas të cilit Rusia ishte në procesin e blerjes së armëve nga Koreja e Veriut, duke përfshirë predha artilerie dhe raketa.
Deklarata e Koresë së Veriut erdhi disa javë pasi Moska e përshkroi gjetjen e inteligjencës amerikane si “të rreme”./abcnews.al/
