Loading ...
Liverpool solli Anderson Arroyo në verën e vitit 2018, si një nga talentët me premtues të futbollit.
Mbrojtësi, i cili si 19-vjeçar i bëri përshtypje agjentëve të klubit anglez duke luajtur për kombëtaren e re kolumbiane, mbërriti nga Fortaleza.
Megjithatë, ai ende nuk ka luajtur për ekipin e parë apo rezervë të Liverpoolit. Mediat angleze thonë se problemi është se ai nuk mund të marrë leje pune.
Me kalimin e viteve, Liverpool e dërgoi atë në huazim te Gent, Mlada Boleslav dhe klubet spanjolle Mallorca, Salamanca, Mirandes dhe Alaves.
Verën e kaluar ai u largua për në Andorra, e cila garon në divizionin e dytë të Spanjës dhe për të cilën bëri tetë paraqitje.
Sipas Transfermarkt, kontrata e Arroyos me klubin e Liverpoolit zgjat deri në vitin 2025.
Një faqe interneti e specializuar për vlerat e futbollistëve e vlerëson atë në 800 mijë euro. Arroyo nuk ka luajtur për përzgjedhjen A të Kolumbisë, por ka dy paraqitje për ekipin U-23./ h.ll/abcnews.al
