Mbreti Karli III do të takohet me Presidentin Joe Biden në Kështjellën Windsor javën e ardhshme, ka zbuluar Buckingham Palace.
Në një deklaratë, pallati tha: “Mbreti do të takohet me Presidentin e Shteteve të Bashkuara të Amerikës në Kështjellën Windsor të hënën më 10 korrik“.
Deklarata e Shtëpisë së Bardhë shtoi: “Presidenti Biden së pari do të udhëtojë në Londër, Mbretëria e Bashkuar, për angazhime me Mbretin Charles III dhe Kryeministrin Rishi Sunak për të forcuar më tej marrëdhëniet e ngushta midis kombeve tona.”
Presidenti do të udhëtojë më pas në Vilnius, Lituani për samitin e NATO-s dhe Helsinki, Finlandë për samitin e liderëve amerikanë dhe nordikë, tha Shtëpia e Bardhë në një deklaratë.
Vizita vjen pothuajse dy muaj pas kurorëzimit të Mbretit Karli III në maj dhe do të shënojë takimin e dytë të Biden me një monark britanik gjatë presidencës së tij.
Biden, 80 vjeç, u takua më parë me Mbretëreshën e ndjerë Elizabeth në Kështjellën Windsor në qershor 2021, vetëm disa muaj pasi mori detyrën. Ai dhe Zonja e Parë, Jill Biden udhëtoi për në Windsor nga Samiti i Grupit të Shtatë (G-7) atë vit, dhe Biden ishte presidenti i 13-të dhe i fundit amerikan që mbretëresha takoi gjatë mbretërimit të saj historik.
Para tij, Mbretëresha priti ish-presidentin Donald Trump dhe familjen e tij në Buckingham Palace në 2019 dhe bëri të njëjtën gjë për ish-presidentin Barack Obama në Windsor në 2016./abcnews.al
