Mbreti Charles të mërkurën ndërsa mbajti fjalimin e parë të darkës shtetërore ndërsa monarku dhe gruaja e tij, Camilla, udhëtuan së bashku për në Gjermani.
Charles madje zbuloi një aftësi sekrete gjatë fjalimit të tij. 74-vjeçari gjatë fjalës së tij foli gjermanisht dhe në sallë u dëgjuan të qeshura. Gjithashtu, në ekran u luajt një skeç komedie britanike jashtëzakonisht e njohur në Gjermani, e quajtur Darka për një.
Charles tha në gjermanisht: “Është mirë që Camilla nuk më la vetëm” dhe atmosfera u nxeh. Nga ana tjetër, Camila ishte veshur me një fustan të zi të mbrëmjes dhe me diademën e saj ra në sy .
Çifti mbretëror do të qëndrojë në Gjermani deri më 31 mars dhe do të vizitojë Berlinin, Brandenburgun dhe Hamburgun në kuadër të vizitës së tyre treditore.
“Gjatë gjithë këtyre viteve, dhe në shumë mënyra, jam goditur nga ngrohtësia e miqësisë midis kombeve tona dhe nga vitaliteti i bashkëpunimit tonë në fusha të panumërta. Ishte një miqësi që do të thoshte shumë për nënën time, mbretëreshën e ndjerë, e cila kujdesej thellë për lidhjen midis dy vendeve tona”, u shpreh Charles.
“Do të thotë kaq shumë për ne që unë dhe gruaja ime mund të vinim në Gjermani për këtë turne të parë të huaj të mbretërimit tim. Mund t’ju siguroj vetëm se gjatë gjithë kohës që më është caktuar si Mbret, do të bëj gjithçka që mundem për të forcuar lidhjet mes nesh”, tha ai./abcnews.al
