Mbretëria e Bashkuar ka premtuar një financim të mëtejshëm prej 30 milionë funtesh për Gazën.
Kjo vjen pasi sekretari i jashtëm, Lord David Cameron, do të takohet me agjencitë e ndihmës që ofrojnë mbështetje humanitare të financuar nga Britania e Madhe për Rripin e Gazës, shkruan Sky News.
Cameron do të diskutojë gjithashtu mbështetjen e Autoritetit Palestinez – në Bregun Perëndimor – duke përfshirë trajnimin dhe ndërtimin e kapaciteteve, dhe do të shikojë drejt një zgjidhjeje politike afatgjatë të krizës.
Sekretari i Jashtëm u takua me politikanë të lartë izraelitë, duke përfshirë kryeministrin Benjamin Netanyahu, të enjten. Sipas zyrës së jashtme, ai i bëri presion udhëheqësit izraelit që të hapte aksesin për furnizime mjekësore dhe karburant në Rripin e Gazës.
Katër avionë të Mbretërisë së Bashkuar me ndihma humanitare për Gazën kanë mbërritur deri më tani në Egjipt – me furnizimet e fundit duke përfshirë 4,500 batanije dhe 4,500 dyshekë gjumi.
Financimi shtesë prej 30 milion paund do të thotë se Mbretëria e Bashkuar tani ka premtuar 60 milion £ në ndihmë humanitare që nga fillimi i luftimeve në tetor.
Lord Cameron tha: “Është jetike të mbrohen civilët nga dëmtimi dhe ne po shikojmë urgjentisht në të gjitha rrugët për të marrë ndihma në Gaza, duke përfshirë rrugët tokësore, detare dhe ajrore”./abcnews.al
