NBA dhuroi një mbrëmje rekordesh, personal por edhe ekipor. Mes yjeve të basketbollit amerikan, ai që shkëlqeu më shumë ishte Shej Xhilxhous Aleksander, që udhëhoqi Oklahoma City në një tjetër fitore të rëndësishme.
Kanadezi vendosi rekordin e karrierës sa i përket pikëve të shënuara në një ndeshje. Ai realizoi 45 pikë, ndërsa I shtoi paraqitjes së shkëlqyer 7 topa të kapur në tabelë dhe 8 asist për shokët e skuadrës, duke konfirmuar veten mes pretendentëve për titullin “MVP” të këtij sezoni në NBA.
Nën lidershipin e Xhilxhous Aleksander, Oklahoma imponoi rezultatin e përgjithshëm 120-114 kundër Indiana, ndërsa me këtë fitore “Thandër” forcojnë pozitat në krye të klasifikimit në Konferencën e Perëndimit.
Një tjetër rekord i shënuar në mbrëmjen e NBA erdhi nga Toronto.
Reptors vendas u mundën në shtëpi nga Memphis me rezultatin 126-155, ndërsa kjo ishte ndeshja më më shumë pikë e këtij sezoni të rregullt të basketbollit amerikan.
Ky rezultat ishte përfundimi i një përqindje shumë të lartë realizimi, sidomos nga basketbollistët e Memphis, që vazhdon të mbajë vendin e tretë në konferencën e perëndimit. /abcnews.al
