Kylian Mbappe mbetet një nga dilemat më të mëdha te PSG. Sulmuesi i blerë për 180 milionë euro nga Monaco ka kontratë deri në verën e vitit 2022 dhe në klubin francez edhe këtë verë mund t’i rezistojnë tundimit për ta shitur sulmuesin dhe për të kthyer pas një pjesë të lekëve që kanë investuar në të.
Real Madrid është klubi që kërkon të shlyejë gabimin e bërë në vitin 2017, kur nuk e blenë dot nga Monaco. Florentino Perez personalisht e kërkon sulmuesin, i cili edhe vetë dëshiron që të luajë për skuadrën e tij të preferuar dhe e ka shprehur disa herë.
Gjithsesi madrilenët nuk janë të vetëm në garë, madje Liverpool ka bërë edhe një hap konkret përmes trajnerit Jurgen Klopp. 10 Sport raporton se tekniku gjerman ka folur me babanë e sulmuesit, Wilfried Mbappe, për të diskutuar mbi një lëvizje të mundshme të kampionit të botës në Premier League. /abcnews.al
