Ylli i Paris Saint-Germain, Kylian Mbappe është gati të prezantojë klubin e tij të ardhshëm dhe ndihet i emocionuar tashmë.
Pa kontratë në fund të muajit të ardhshëm, Mbappe pritet t’i bashkohet Real Madrid. Kalimi i tij në ‘Santiago Bernabeu’ duket se e ka emocionuar francezin, i cili ndihet i lumtur.
“Klubi im i ardhshëm së shpejti do të zyrtarizohet, është çështje ditësh. Jam shumë i emocionuar, jam i lumtur. Duhet të presim vetëm disa ditë”, ka thënë Mbappe për “CNN”.
Konfirmimi i transferimit të Mbappes pritet të bëhet pas finales së Ligës së Kampionëve me 1 qershor, ku Real Madridi luan ndaj Borussia Dortmund./ h.ll/abcnews.al
