Kohët e fundit mungojnë postimet kundër presidentit Refik Halili dhe drejtuesve të tjerë të klubit. Fanatics janë në humor, pasi titulli kampion është shumë pranë. Kampionati është ndërprerë për momentin, me Tiranën që numëron nëntë pikë më shumë se Kukësi i vendit të dytë.
Ultrasit bardheblu, pasi ngacmuan rivalët e kuq, tashmë e kanë me të gjithë, teksa postojnë renditjen e Superiores, me mesazhin: “Mbani distancë nga shoqëria!”. Koherente gjithçka, duke parë udhëzimet e autoritete për të qëndruar larg njëri-tjetrit, në betejën e nisur kundër COVID-19.
Edhe në Shqipëri numri i të prekurve po shtohet çdo ditë, teksa deri më tani numërohen 89 persona që kanë rezultuar pozitivë me Coronavirus. /abcnews.al
