Ishte një e hënë, data 16 janar 2023 dhe zotëria 60 vjeçar që po i afrohej klinikës “La Madalena”, i veshur mirë dhe me një kapele. Kur u afrua, pa një prani të madhe të forcave të policisë rreth ndërtesës dhe dhjetëra karabinierë të armatosur kudo.
Njëri prej tyre, koloneli Lucio Arcindiacono, kishte çdo arsye për të qenë në gatishmëri, duke ditur si shumë të tjerë objektivin që prisnin. “Objektivi” ishte zotëria i veshur mirë me kapelë, quhej Matteo Messina Denaro dhe ishte personi më i kërkuar i Cosa Nostra.
Ai tashmë po i afrohej një kafeneje afër klinikës, kur papritmas vendosi të kthehej dhe të largohej, por kuptoi se ishte tepër vonë. Një punonjës policie iu afrua dhe i kërkoi të thoshte emrin duke e parë në sy, ndërsa kolegët e tjerë iu afruan, raporton abcnews.al.
Gjashtëdhjetë vjeçari, i cili nuk u përpoq të largohej, u përgjigj: ” Ti e di kush jam unë. Unë jam Matteo Messina Denaro.’
Një moment më vonë turma po duartrokiste anëtarët eAntimafias të Palermos dhe karabinierët, të cilët pas tre dekadash arrestuan “bosin e bosave” dhe një nga mafiozët më famëkeq të Cosa Nostra.
Asnjë mëshirë për fëmijën
Ishte janar, viti 1996 dhe në strehën ku mafia siciliane mbajti rob Giuseppe Di Matteo për dy vjet, tensioni ishte rritur. Kishin kaluar 11 muaj që kur Denaro kishte rrëmyer 11-vjeçarin pasi babai i tij mafioz kishte tradhtuar Cosa Nostra -n kur u arrestua në një bastisje nga Antimafia e Palermos.
Rrëmbimi i tij ishte hakmarrja e urdhëruar nga nga Corleone. Megjithatë, nga frika e reagimeve të shoqërisë italiane që u trondit nga rrëmbimi i një fëmije 11-vjeçar , ata e mbajtën të voglin në jetë për më shumë se dy vite.
Por ata duhet të vrisnin të voglin, i cili ishte vazhdimisht i sëmurë nga abuzimet. Mes xhelatëve të djaloshit, në atë ditë të ftohtë janari, thuhet se ra në sy një burrë i pashëm, i veshur në mënyrë të përsosur rreth të tridhjetave, Matteo Messina Denaro, raporton abcnews.al.
Edhe pse përfshirja e tij në vrasjen e fëmijës ende nuk është sqaruar, shumë besojnë se Denaro nuk kishte asnjë problem për ta mbytur fëmijën dhe më pas për ta hedhur trupin e tij në një kazan me acid.
Ai ishte në kërkim që nga viti 1990, i akuzuar për gjithçka që mund të imagjinohej, veçanërisht për vrasje, ky mafioz që gradualisht u ngjit në majat e mafies siciliane.
U deshën tridhjetë vjet për të kapur bosin e bosave. Ai ishte “fantazma” e Trapanit që fshihej vazhdimisht, herë-herë tallej me policinë që e kërkonte, por më në fund i erdhi koha, pas një rrugëtimi “të përgjakshëm” dekadash.
“Këta budallenj nuk do të më kapin kurrë”, shkruante ai në një shënim që ia dërgoi një partneri. Tani në të 60-at e tij, udhëheqësi ende drejton “organizatën” e tij duke ndryshuar strehëzat çdo javë.
Ai akuzohet për vrasjen e të paktën 58 personave dhe, siç i kishte thënë një miku duke buzëqeshur një mbrëmje; “Unë kam mbushur një varrezë vetë”.
Mediat italiane e përshkruajnë atë si një playboy maniak, një kopje e vërtetë e kinematografisë Tony Montana në filmin legjendar “The Marked”.
Ai në thelb u zhduk nga faqja e dheut pas bombardimeve mafioze në Romë, Firence dhe Palermo. Ishte ai që priti të shfaqej makina e gjyqtarit Giovanni Falcone për të dhënë sinjalin e shpërthimit të frikshëm që e hodhi në erë.
Antimafia që e ka ndjekur për tre dekada flasin për një mafioz të veçantë që përfaqëson dhe bashkon brezin e vjetër dhe të ri të mafies siciliane. Ai e konsideron veten si kreun e një autoriteti më të lartë, në të cilin mund të hynin vetëm disa “të zgjedhur”.
“Ai lejon shumë pak, të jenë pjesë e organizatës, por në të njëjtën kohë mos e imagjinoni që Matteo Messina Denaro jeton në një fermë të varfër.
Ai kishte një kult të makinave të shtrenjta sportive dhe modeleve të orëve nga shtëpitë e famshme zvicerane, ndërsa ishte gjithmonë një adhurues femrave të bukura. Deri më tani ai kishte dashnore të panumërta dhe kishte një duzinë fëmijë, ndërsa pas arrestimit dhe vdekjes së Bernardo Provenzanos, ai u bë “bosi i bosave”.
Në nëntor 2019, një operacion iAntimafia-s u shpalos në të gjithë Italinë, i cili rezultoi në arrestimin e dhjetëra bashkëpunëtorëve të Denaro-s. Madje tre prej tyre ishin pjesë e rrethit shumë të ngushtë të tij, ndërsa mes të arrestuarve ishte edhe motra e mafiozit, raporton abcnews.al,
Por falë një rrjeti shumë të sofistikuar të bashkëpunëtorëve të tij, bosi i Cosa Nostra nuk ra në duart e policisë që e ndiqte prej tre dekadash.
Arsyeja mund të shpjegohet lehtësisht.
Ai është njeriu që në vitin 1993 ekzekutoi kumbarin Vincenzo Milazzo dhe pa e menduar mbyti dy herë të fejuarën shtatzënë të viktimës. Besohet se me veprimet e tij ai i afroi shumë kartelet kolumbiane të drogës me Cosa Nostra-n, duke hapur rrugë të reja dhe më fitimprurëse bashkëpunimi në tregtinë e kokainës.
I lindur dhe i rritur në Trapani, Denaro tashmë mësoi të gjuante me armë në moshën 14-vjeçare dhe thuajse nga një adoleshent ndoqi rrugën e zemrës së tij, duke u bërë pjesë e mafias.
Ai u tregua një nga ekzekutuesit më të pamëshirshëm, kaloi nëpër faza të ndryshme të hierarkisë dhe në moshën 60-vjeçare ishte ende deri pak ditë më parë – një “fantazmë” e paimagjinueshme.
Ekziston vetëm një foto e tij që nga koha kur ishte i ri. Kishte edhe një foto unike të Bernardo Provenzanos, njeriu që pasoi Toto Riinën si kreun e mafies siciliane.
Ai u arrestua pas tridhjetë vjetësh në një fermë jashtë Corleone nga inspektori Renato Cortese, i cili e gjurmoi pas disa ditësh vëzhgimi. Pasardhësi i tij, Matteo Messina Denaro, mbeti deri në javën e kaluar një burrë i lirë, ende thellë thellë duke besuar se nuk do të kapej kurrë.
Më në fund, njeriu që ishte përshkruar si “mohikani i fundit” i mafies u kap, një burrë 60-vjeçar që sigurisht nuk flinte i qetë natën.
Jo sepse po e ndiqnin, por si rezultat i rrugës së përgjakshme që zgjodhi Matteo Messina Denaro, pa u kujdesur kurrë nëse vrau një fëmijë të pafajshëm apo një grua shtatzënë që nuk ishte faji i tyre.
/abcnews.al
