Me një pjesëmarrje të rëndësishme dhe interes të lartë, për herë të parë në Tiranë, në Hotel Plaza, u zhvillua Masterklasi Ndërkombëtar i Imazherisë së Avancuar të Gjirit në 15 dhe 16 shtator.
Ky event shkencor mjekësor europian erdhi si fryt i bashkëpunimit të shkëlqyer të Shoqatës Europiane të Imazherisë së Gjirit, Shoqatës Europiane të Radiologjisë, Universitetit të Kembrixhit, Shoqatës Shqiptare të Imazherisë së Gjirit, Shoqatës Shqiptare të Radiologjisë, dhe Shoqatës AMEA – Albanian Medical Education Association, me kontribut të veçantë të Prof. As. Iris Allajbeu.
“Në këtë masteklas sjellin të rejat më të fundit. Risi e këtij eventi janë edhe workshopet.”
“Ka qene nje konference shume produktive. Kemi pasur disa leksione te mrekullueshme nga shume foles te ndryshem, per cdo ceshtje qe lidhet me imazherine e gjirit, me perditesimet me te fundit. Edhe ne diten e dyte patem leksione te rendesishme. Ishte kenaqesi per ne qe ishim ketu.”
Për dy ditë me radhë, ekspertë dhe drejtues nga EUSOBI, Universiteti i Kembrixhit dhe Europa ndanë ekspertizën e tyre më bashkëkohore në diagnostikën multidimensionale në Imazherinë e Gjirit, Tomosintezën e Gjirit, MRI-në, Mamografinë me kontrast IV, si edhe Ëorkshope mbi procedurat mini invazive nën guidën e imazherisë, që ishin edhe risia e këtij masterklasi ndërkombëtar
I cilësuar si një prej eventeve më të arrira shkencore në fushën e Imazherisë së Avancuar të Gjirit, ky masterklas ndërkombëtar u ndoq nga profesionistë të shëndetit nga të gjitha trevat shqiptare dhe të huaj.
Gjithashtu, për herë të parë në Shqipëri ky aktivitet ka Akreditim Ndërkombëtar nga Bordi Europian I Radiologjisë, kredite CME, të cilat njihen në çdo vend të botës, si edhe nga Oda e mjekëve në Kosovë dhe Maqedoninë e Veriut./abcnews.al
