Gjykata e Apelit të Posaçëm ka dënuar me burgim të përjetshëm Orges Bilbilin e Anterio Kaloshin të akuzuar për atë që njihet si masakra e Lushnjës, ku mbetën dy të vrarë dhe dy të tjerë të plagosur. Edhe Apeli i Posaçëm, pranoi kërkesën e SPAK, duke lenë në fuqi vendimin e shkallës se parë për Bilbilin e Kaloshin.
Ndërkohë për ngjarjen vijon të jetë në kërkim edhe Laert Haxhiu. Prokuroria e Posaçme i akuzon të tre këta persona si pjesëmarrës në grup të strukturuar kriminal dhe autorë të disa ngjarjeve kriminale në qytetin e Lushnjës.
Orgest Bilbili dhe Laert Haxhiun e Anterio Kaloshi janë akuzuar për vrasjen e Jurgen Hoxhës dhe Zamir Latifit si dhe tentativën e vrasjes së Xhulio Shkurtit, nipit të Aldo Bares, ngjarje këto të ndodhura në vitin 2017-të. Veç akuzës së vrasjes në rrethana cilësuese të një ose më shumë personave, Bilbili akuzohet edhe për “Kryerjen e veprave penale në kuadër të grupit kriminal”./abcnews.al
