Ministri rus i Mbrojtjes Sergei Shoigu ka mbërritur në Turqi për të nënshkruar një marrëveshje për lehtësimin e eksportit të grurit, tha zëdhënësi i Kremlinit Dmitry Peskov në një konferencë për shtyp, sipas CNN.
“Po, ministri i Mbrojtjes Shoigu ka mbërritur në Turqi. Po përgatitet marrëveshja për t’u nënshkruar sot,” tha Peskov.
I pyetur për rëndësinë e arritjes së kësaj marrëveshjeje për Rusinë, Peskov iu referua deklaratës së mëparshme të Presidentit Vladimir Putin për krizën ushqimore.
“Presidenti Putin ka thënë se në sfondin e krizës ushqimore që po afrohet, është shumë e rëndësishme të zhbllokohen rrugët e furnizimit në tregjet botërore – plehra, ushqime dhe drithëra”, tha Peskov.
Sipas Kremlinit, është një “sasi relativisht e vogël” e grurit ukrainas. “Por gjithsesi, është shumë e rëndësishme që ky drith të eksportohet në tregjet botërore,’ shtoi ai.
Delegacionet ruse dhe ukrainase, të ndërmjetësuara nga Turqia dhe OKB, pritet të nënshkruajnë marrëveshjen për eksportet e grurit. Nga pala ukrainase, ministri i Infrastrukturës Oleksandr Kubrakov do të nënshkruajë marrëveshjen në Stamboll.
/abcnews.al
