Katërmbëdhjetë pengje të mbajtura nga Hamasi do të lirohen sot, së bashku me 42 të burgosur palestinezë, sipas zyrtarëve izraelitë, në ditën e dytë të zbatimit të një marrëveshjeje midis Izraelit dhe lëvizjes palestineze që përfshin një armëpushim në Rripin e Gazës.
Ditën e djeshme, 13 pengje izraelite gra dhe fëmijë u kthyen në shtëpitë e tyre, në këmbim të lirimit të 39 të burgosurve palestinezë, gra dhe fëmijë. Deri më tani është duke u respektuar armëpushimi në Rripin e Gazës.
Në njoftimin e sotëm, spitali Schneider njofton se gjendja shëndetësore e katër fëmijëve dhe katër grave që u transferuan atje pas lirimit nga Hamasi është e qëndrueshme.
Hamas fighters have released a video showing them transferring hostages over to the Red Cross authorities as part of a truce deal.
Latest: https://t.co/SC4wqF0md1 pic.twitter.com/zIqf8xyT1j
— Sky News (@SkyNews) November 24, 2023
Në njoftim thuhet se të tetë personat ndodhen me familjet e tyre në ambientin e projektuar posaçërisht për ta dhe monitorohen nga staf mjekësor i kualifikuar, ndërsa u është ofruar edhe mbështetje psikologjike.
/abcnews.al
