Kryetari i grupit parlamentar të PD-së Edmond Spaho ka folur në studion e Mbrëmje në ABC News për vijimësinë e raportit të kushtëzuar me Parlamentin. “Ne raportin me parlamentin e kemi deklaruar para dy-tre javës ku kemi thënë që është i kushtëzuar në funksion të lëvizjes qytetare për mosbindje civile.
Sipas tij kjo marrëdhënie e kushtëzuar me parlamentin është në funksion të mosbindjes civile.
“Ne do të jemi prezent në parlament e seancë plenare sa kohë që kjo i shërben mosbindjes civile. Ne e kemi kushtëzuar prezencën tonë me lirimin e 11 të burgosurve nga Kukësi dhe kemi kërkuar që kryeministri të kërkojë ndjesë për ofendimin e qytetarëve të vet”.
Prania e sotme në seancë, ishte në respekt të rekomandimit të hapjes së negociatave me BE-në, por sipas Spahos u kthye në një ditë qesharake me praninë e ish-ministrit të Brendshëm Tahiri në Parlament. /abcnews.al
