Interi do të përballet me Juventusin në finalen e Kupës së Italisë, takim që do të luhet në mbrëmje duke nisur nga ora 21:00.
Por drejtuesit e Interit po mendojnë edhe për merkaton e verës, e cila pritet të jetë e “nxehtë”, pasi nuk mungojnë as zërat për transferime të bujshme, por edhe rinovime me lojtarë kryesorë.
Për këtë ka folur CEO i Interit, Guiseppe Marotta, i cili theksoi se zikaltërtit nuk do të bëjnë shpenzime të mëdha në merkato, por do të synojnë të marrin lojtarët e duhur për skuadrën e tyre.
Gjithashtu Marotta preku edhe çështjen e rinovimit të kontratës së Ivan Perisic.
“Ne nuk kemi arritur akoma marrëveshje për rinovimin e tij, por nëse ai do të kishte dëshirë të qëndronte me ne, ne do të ishim të lumtur. Unë besoj te rinovimi i kontgratës së Perisic.
Ne kemi një bërthamë të rëndësishme dhe një trajner shumë të mirë, do të duhet të mbështesim diçka dhe të kapim mundësitë. Në Itali nuk mund të bëjmë investime të mëdha, por zgjedhje të synuara.
Dybala? Një lojtar i shkëlqyer, i cili del lojtarë i lirë në fund të sezonit. Dybala është sigurisht tërheqës për klubet e mëdha. Por ne kemi sulmin më të mirë dhe ne jemi të fortë, ndaj edhe nëse e vlerësoj nga ky këndvështrim nuk kemi probleme për të zgjidhur” ka theksuar Marotta. /f.a/abcnews.al
