Ish-administrator i deleguar i skuadrës së Milanit, Marko Fasone ka zbuluar se Ronaldo kërkoi të transferohej tek kuqezinjtë para se të kalonte tek Juventus.
Vitet e fundit Milani është përfshirë nga probleme në administrimin e klubit çka ka ndikuar negativisht në merkaton e transferimeve. Kuqezinjtë kanë ndërruar trajner dhe stafin drejtues me shpresën se diçka mund të ndryshojë për sezonin e ri. Ish0administratori i deleguar i kuqezinjve, Marko Fasone ka shpjeguar për mediat italiane problemet tek kuqezinjtë ndërkohe që ka zbuluar edhe një prapaskenë me yllin portugez Cristiano Ronaldo.
“Ronaldo dëshironte të vinte tek skuadra e Milanit. Kostoja e operacionit ishte e madhe dhe e papërballueshme për arkat e klubit kuq e zi. Tek Milani nuk morëm frytet e punës tonë. Mund të them me siguri se pronarët kinezë nuk e administruan si duhet borxhin e marrë nga Fondi Amerikan. Blerja e Bonuçit ishte një gabim për ne. Kishim blerë shumë lojtarë dhe ishin plot 5 qendërmbrojtësa para se t’i shtohej edhe Bonuçi. Bonuçi nuk rezultoi të ishte një lider i mbrojtjes”.
Skuadra e Milanit ka një merkato të kufizuar dhe strategjia e klubit është nënshkrimi me futbollistë të lirë dhe të talentuar./ABC News Albania 24/7
