Vetë Bryan Tanaka ka konfirmuar ndarjen nga Mariah Carey. Çifti vendosi t’i jepte fund lidhjes së tyre pas shtatë vitesh bashkë.
Sipas Daily Mail, gjithçka nisi me mungesën e balerinit 40-vjeçar në turneun e Krishtlindjeve të këngëtares 54-vjeçare, me fansat që vunë re shqetësimin e saj të dukshëm.
Marrëdhënia e tyre filloi profesionalisht në vitin 2006 dhe u kthye në romantike në vitin 2016, pas ndarjes së Carey nga miliarderi australian James Packer.
Në një postim të bërë në Instagram nga Bryan Tanaka, ai ka konfirmuar se nuk është më çift me këngëtaren.
“Është me emocione të përziera që ndaj këtë përditësim personal në lidhje me ndarjen time miqësore nga Mariah Carey pas shtatë vitesh të mrekullueshme së bashku. Vendimi ynë për të ecur në rrugët tona të ndara është i ndërsjellë, dhe ndërsa ne ecim përpara në këto udhëtime të veçanta, ne e bëjmë këtë me mirënjohje për kohën e paçmuar që kaluam së bashku”, shkroi ai.
View this post on Instagram
Ai ka përmendur gjithashtu se kujtimet që kanë bërë bashkë, si dhe bashkëpunimet e tyre artistike do t’i ruajë të gdhendura në mendjen e tij.
“Përkushtimi i Mariah ndaj familjes së saj dhe përkushtimi ndaj artit të saj më kanë frymëzuar gjatë gjithë rrugëtimit tonë së bashku”, vazhdoi në postim.
Balerini gjithashtu shtoi: “Dua të shpreh dashurinë dhe vlerësimin tim për Mariah dhe fëmijët e saj të jashtëzakonshëm, ngrohtësia dhe mirësia e të cilëve e kanë pasuruar jetën time në mënyra që nuk mund të shprehen me fjalë“.
Së fundi, ai u kërkoi fansave të tij që të respektojnë privatësinë e tyre në këto kohë./abcnews.al
