Një ndeshje plot gola dhe emocione ajo mes Manchester City dhe Newcastle për javën e tretë të Premier League.
Skuadra e Guardiolës kaloi e para në avantazh me Gundogan që në minutën e pestë, megjithatë “qytetarët” e gjetën veten të surprizuar në fund të pjesës së parë, kur vendasit përmbysën rezultatin.
Në minutën e 28-të Newcastle barazoi me Alimron, për të kaluar në avantazh 10 minuta më vonë me Wilson.
Trippier thelloi diferencën duke shënuar edhe të tretin, megjithatë City nuk u dorëzua.
Blerja e bujshme e kësaj vere, Erling Haaland shënoi të dytin për miqtë, ndërsa Bernardo Silva barazoi në minutën e 64-të, për t’i dhënë një pikë skuadrës së tij.
Aktualisht City është në vendin e dytë në tabelë me 7 pikë, ndërsa Newcastle në vendin e gjashtë me 5 pikë, në pritje të rivalëve që të mbyllin ndeshjet e tyre. /abcnews.al
