Manaj: Vij te klubi më i madh në botë, dua të shënoj sa më shumë gola

schedule22:31 - 20 Janar, 2020

schedule 22:31 - 20 Janar, 2020

Sulmuesi i kombëtares, Rey Manaj, kompletoi sot transferimin e tij te Barcelona. Pasi nënshkroi kontratën me gjigantët katalanas, 22 vjeçari foli për faqen zyrtare të klubit, ku u shpreh: “Kjo është një nga ditët më të rëndësishme të jetës sime.

Vij te një klub i madh, për të cilin mendoj se është më i madhi në historinë e futbollit. Mezi po pres që të luaj me ekipin e ri. Kur Barcelona më bëri ofertë, nuk pranova të merrja në shqyrtim asnjë propozim tjetër dhe e vetmja gjë që dëshiroja, ishte të mbërrija sa më shpejt këtu. Tani jam shumë i lumtur.

Dua që ta ndihmoj sa më shumë skuadrën time të re. Një sulmues duhet të shënojë dhe uroj që këtë gjë, ta bëj këtu. I kam vendosur vetes disa synime personale, por mbi të gjitha dëshiroj që skuadra të ngjitet në kategorinë e dytë. Barcelona është klubi më me rëndësi në botë”, përfundoi Manaj./abcnews.al