Anija gjigante luftarake 40-vjeçare ‘Moskva’ shpërtheu në flakë në Detin e Zi më 14 prill.
Ukraina pretendon se e goditi me dy raketa ndërsa Rusia e mohon duke thënë se një zjarr për shkaqe ende të panjohura shkaktoi shpërthimin e municioneve në bord.
Por, një ushtarak i mbijetuar tha se anija u godit me tre raketa.
“Mami a e kuptove se çfarë ndodhi? Na hodhën tre raketa”, thotë ai.
Rrëfimet e ushtarëve që ndodheshin në bordin e “Moskva” po shkatërrojnë versionin e Kremlinit për fundin e anijes.
Ekipi i gazetarisë investigative i Radio Svoboda është në kërkim të familjeve të marinarëve që ndodheshin në bordin e “Moskvës”.
Dje u publikua versioni i një nëne e cila mohon tezën e zjarrit që ra në bord.
Ministria ruse e Mbrojtjes njoftoi “evakuimin e plotë” të ekuipazhit dhe mediat ruse shfaqën imazhe të marinarëve që ishin takuar nga admirali në një skelë në Sevastopol, Krime.
Lexo edhe: U fundos në Detin e Zi, “krenaria” e Rusisë kthehet në objekt të trashëgimisë kulturore të Ukrainës
Por, me sa duket pamjet ishin arkivore. Në vend të kësaj u publikuan videot që tregonin anijen duke u djegur.
Ukraina njoftoi se anija u shkatërruar nga 2 raketa “Neptun”, por ushtari i mbijetuar i tha nënës se ishin 3 raketa.
Ai tha: Në bord ishin 40 të vdekur dhe një numër i panjohur i ushtarëve ishte zhdukur.
Telefonata mes marinarit dhe nënës së tij, emrat e të cilëve gazetarët nuk i përmendin për t’i mbrojtur, ndodhi më 14 prill, në të njëjtën ditë që Ministria e Mbrojtjes Ruse pranoi fundosjen.
“Disa nga djemtë u evakuuan në fregatën Makarov. Të gjithë të mbijetuarit, tha gruaja në radio Svoboda, u dërguan në Sevastopol.
“Ata u dhanë atyre telefona për të telefonuar në shtëpi. Ata lanë gjithçka në bord, edhe dokumentet.”
Ajo shtoi: Kur më telefonoi e pyeta për zjarrin në bord sepse lajmi ishte përhapur në të gjitha televizionet.
Më tha se nuk ishte i vërtetë.
“Ai po qante”, tha nëna, shkruan La Reppublica.
Gruaja thotë se në bord ndodheshin 510 persona dhe sipas djalit të saj “të gjithë ata që ishin në kuvertë, kabinë apo roje u vranë sepse u goditën nga raketat.”/abcnews.al/
