Epidemia e koronavirusit në Mal të Zi është nën kontroll të plotë, por qytetarët duhet të vazhdojnë t’iu përmbahen të gjitha rregullave në fuqi.
Qeveria malazeze ka theksuar se tashmë janë gjithnjë e më afër të qenët një vend pa koronavirus.
“Nëse do të kemi sukses, gjë që është e rëndësishme për çdo qytetar dhe për ekonominë tonë, varet vetëm nga ne. Të gjithë duhet t’iu përmbahemi rregullave që janë në fuqi”, bëri thirrje Qeveria në Podgoricë.
Në dy javët e fundit, Mali i Zi ka pasur ditë kur nuk ka regjistruar asnjë rast të ri me koronavirus. Ndërkohë në Malin e Zi janë konfirmuar me koronavirus 324 raste, mes të cilëve 8 kanë humbur jetën dhe deri më tani 266 pacientë janë shëruar plotësisht./abcnews.al
