Krujë – Një person ka humbur jetën si pasojë e një aksidenti mbrëmjen e sotme në aksin rrugorë Fushë Krujë-Tapizë. Raportohet se viktima është I. M. i cili lëvizte në këmbë në momentin kur është goditur nga një “Benz” e për pasojë ka ndërruar jetë.
Drejtuesi i makinës mësohet se është larguar nga vendi i ngjarjes, ndërsa policia po punon për kapjen e tij.
Njoftimi i policisë:
Informacion paraprak – Me datë 31.10.2021, rreth orës 17:35, në aksin rrugor Fushë Krujë-Tapizë, një mjet tip “Benz” ka aksidentuar shtetasin I. M., këmbësor, i cili si pasojë e përplasjes ka ndërruar jetë.
Grupi hetimor ndodhet në vendngjarje dhe po punon për sqarimin e rrethanave të aksidentit.
Shërbimet e Policisë po punojnë për kapjen e drejtuesit të mjetit, i cili ka braktisur automjetin dhe është larguar nga vendngjarja. /abcnews.al/
